Sakanako Eskualdea Garatzeko Partzuergoa eskualdearen garapen ekonomikoa eta soziala sustatzeko asmoz sortu zen. Sakanako garapen osotua eta jasangarria bultzatzea da partzuergoaren helburu nagusia, betiere eskualdeko gizarte-, kultura- eta ingurumen-errealitatea errespetatuz.

Egun honako hauek osatzen dute partzuergoa:

• Ziordiko Udala
• Olaztiko Udala
• Urdiaingo Udala
• Iturmendiko Udala
• Bakaikuko Udala
• Etxarri Aranazko Udala
• Ergoienako Udala
• Arbizuko Udala
• Arruazuko Udala
• Sakanako Mankomunitatea
• LAB Sindikatua
• Sakanako Landa Ostatuen Elkartea.

Sakanako turismo-sektorea bultzatzeko argitaratu dugu baliabide turistikoen gida hau. Halaber, turismo-bulegoa ireki dugu eta web orria sortzeko Sakanako Landetxeen Elkartearekin lankidetzan aritu gara.

Gida honek Sakanako turismo-baliabideei buruzko informazioa eskaini nahi die gure eskualdera etortzen diren bisitariei egonaldiaz gozatu dezaten. Gure artean igarotako egunak ahaztezinak izatea opa diegu guztiei.